മാനത്തെ ചങ്ങായി

ചന്ദ്രനെക്കണ്ടീലയോ, നീയിന്നെന്റെ 

ചന്ദ്രനെക്കണ്ടീലയോ??

പൌര്‍ണമിരാവല്ലെയോ,അവനിന്നു 

വട്ടത്തിലൊത്തുനില്‍പ്പൂ 

വാരങ്ങള്‍ രണ്ടു തീര്‍ന്നാല്‍,ചന്ദ്രനെ -

പ്പിന്നെയും കാണാതാകും 

ചന്ദ്രനെക്കണ്ടീലേലും, നീയിന്നെന്റെ 

ഒമനക്കുഞ്ഞല്ലെയോ ...

സ്വപ്‌നങ്ങള്‍ കണ്ടുറങ്ങൂ, മാറിലായ്

ചേര്‍ന്നു നീ ഒന്നുറങ്ങൂ

താരട്ടുപാടിത്തരാം,കണ്ണുനീ 

പൂട്ടിയുറങ്ങിടേണം

വേഗമുറങ്ങിടേണം ഇന്നുനീ 

വേഗമുറങ്ങിടേണം      

ജോലികള്‍ തീര്‍ത്തു ഞാനും, കൂട്ടിനായ്‌ 

ഒപ്പമുറങ്ങിടാലോ
രാരീരം രാരാരോ രാരരോ 
രാരീരം രാരാരോ........

  

                                                      വിഷ്ണു മോഹന്‍